பொங்கல் பண்டிகைக்கு பெரிய நடிகர்கள் படங்கள் ரிலீசாகின்றன. தீபாவளிக்கு ஆதவன், பேராண்மை, ஜகன் மோகினி ஆகிய மூன்று படங்கள் மட்டுமே வந்தன. நிறைய படங்களை எதிர்பார்த்த ரசிகர்களுக்கு இது ஏமாற்றமாக அமைந்தது. பொங்கல் பண்டிகை அவர்களை திருப்திபடுத்தும் வகையில் நிறைய படங்களை கொண்டு வருகிறது.விஜய்யின் “வேட்டைக்காரன்” அஜீத்தின் “அசல்” படங்கள் பொங்கலுக்கு மோதுகின்றன. “வேட்டைக்காரன்” தீபாவளிக்கு வரும் என எதிர்பார்க்கப்பட்டு தள்ளி வைக்கப்பட்டது. இதில் “அருந்ததீ” மூலம் பிரபலமான அனுஷ்கா கதாநாயகியாக வருகிறார். அரசியலுக்கான முன் ஏற்பாடுகள், சமூக சேவை பணிகள் என தீவிரமாக இறங்கிய பிறகு விஜய்யிடம் இருந்து வரும் படம் என்பதால் வேட்டைக்காரனுக்கு ரசிகர்கள் மத்தியில் பலத்த எதிர்பார்ப்பு உள்ளது.
“ஏகன்” படத்துக்கு பின் வரும் அஜீத் படம் “அசல்”. சமீரா ரெட்டி, பாவனா என இரு நாயகிகள் நடிக்கின்றனர். லண்டன், பாரீசில் படப்பிடிப்பு நடந்து வருகிறது. 80 சதவீத படப்பிடிப்பு முடிந்து விட்டது. சூர்யாவின் “சிங்கம்” படமும் பொங்கலுக்கு வரலாம் என எதிர்பார்க்கப்படுகிறது. இதன் படப்பிடிப்பு விறுவிறுப்பாக நடந்து வருகிறது. ஹரி இயக்குகிறார்.
பரத்தின் “தம்பிக்கு இந்த ஊரு”, சிம்பு நடிக்கும் “விண்ணைத்தாண்டி வருவாயா” படங்களும் பொங்கலுக்கு வருகின்றன. இரு படங்களின் படப்பிடிப்பும் முடிந்து விட்டது. கார்த்தி நடிக்கும் “பையா” படமும் பொங்கலுக்கு வருகிறது. லிங்குசாமி இயக்கியுள்ளார். கார்த்தின் “ஆயிரத்தில் ஒருவன்” படம் பொங்கலுக்கு முன்பு ரிலீஸ் செய்ய ஏற்பாடுகள் நடக்கின்றன.
ஜெயம் ரவியின் தில்லாலங்கடி, ஆர்யாவின் மதராசபட்டிணம் படங்களும் பொங்கலுக்கு வரலாம் என தெரிகிறது
No comments:
Post a Comment